ከንቱ ነው

‹‹ኒዕመቱ ዱኒያ በይነል ፈኺዘይን ››
(አሌክስ አብርሃም )

ብየሽ የነበረው ማግባት ምናባቱ
ብየሽ የነበረው ትዳር ማለት ከንቱ
ኡመቱ ለዱኒያ ሲሻኮት ሲለፋ
አለች ያልናት አለም ከጃችን ስጠፋ ….

አንድ ነገር ገባኝ ሹክ አለኝ መለይካው
በነብስህ እልፍኝ ውስጥ ከንቱ ነው ፍራንካው !
ከንቱ ነው ጭብጨባው
ከንቱ ነው ጉልበቱ
ከንቱ ነው ስልጣኑ
ከንቱ ነው ወረቱ !
እዛም እዛም አትጫር
ከንቱ ነው እሳቱ !
የመምጫ መሄጃው
ፍጥረተ ኡመቱ …..
አንድ ነገር ገባኝ
እኔ ያንች ገልቱ …..

ፍቅር በሌለበት ዱኒያ ማለት ጤዛ
አቅልን ስቶ መሮጥ መዋከብ ወ….ደዛ !
የምን መንጀላጀል የምን ነገ ዛሬ
ጥቅልል ከመሻትሽ ኒካየን አስሬ
ፍቅር አንችን ብቻ
ውድድድ አይንሽን
ፍቅር አፍንጫሽን
እብድ ለከንፈርሽ
መልመድ ከጠረንሽ
ለ…..ሽ ከደረተሸ
ጡትሽን መከዳ …
ኧረ እ……..ዳ !

ከዛ …..
እንደሰማይ መብረቅ
ካየር እንደጣሉት ጋን የሚያህል ፈንጅ
ቁ
ል
ቁ
ል
ተምዘግዝጌ …. የሳት ከተማሽ ውስጥ እልም ነው እንጅ !

የኔ የሰማይ መና ሃላል የነብስ ሃቄ
ቤቴን በፈገግታሽ ቤትሽን በሳቄ
‹‹ኒዕመቱ ዱኒያ በይነል ፈኺዘይን ››
በፍቅርሽ ሰክሬ በጆሮሽ የምለው
ለካስ ጀነት ያለው በሃቂቃ ሚስቴ ጭኖች መካከል ነው !!